كُتِب بشرايين قلب كل كوردي

صدقوني لو دخلنا قلب كل كردي رح نلاقيه حريص على كوردستان و قلبو على كوردستان و ممكن يفدي عمرو لو حدا قرب على اسم بلدو او أهلو و حتى لو كلفو هالشي حياته , مهما كان انتماؤو الحزبي أو كان بأي منطقة من كردستان رح يضل قلبو بينبض بكوردستان , المشكلة بتكون في تقبل بعضنا و اعتقادنا انو نحن بنحب كردستان أكتر من غيرنا , خلينا نحاول نفهم بعض و نتنازل لقلوب بعض لأنو فعلا قلوبكم فيها محبة لبعض و لبلدنا و لأرضنا و دليل لو سمعت أي كوردي نجح في بلد بتفرحلو و ما بتسأل شو انتماؤ الحزبي أو الفكري بيكفي أنو كردي ,صدقوني عبر كل العصور كان الكورد مثال للقلب الطيب و المحبة , بس خلونا نكون هيك مع بعض كمان مو بس مع الغريب , و دولة كوردستان الكبرى مستحيل تحقق لو ما كنا قلب واحد , بكل البلدان كان في صراعات داخلية و كتير خونو بعض و قتلو بعض و بالأخير وصولو لنتيجة لو ما كنا إيد وحدة رح ياكلونا واحد واحد وهاد اللي عم يصير بهالوقت , لسا في أمل نبني دولتنا اللي بدنا فيها نحكي لغتنا , نكتبها , نمارس عاداتنا و نحتفل بأعيادنا و نحكي لأولادنا كيف كنا نحب بعض ولكن ما عرفنا نعبر عن هالحب حتى إجا الوقت الللي صرنا فيها إيد وحدة ,
و كورستان فيها كل مقومات الدولة من المفكرين و الأدباء و الأطباء و الفنانين و شخصيات فعلا بتحب بلدها وهالشي أكبر مقوّم لنكون أجمل دولة نبني حضارتنا من جديد نخلي كل العالم تسمع بالكورد و كيف هنن بيملكو إنسانية ما بيملكها بشر تانيين و كيف هنن مبدعين.
وأنا بكتب هالبوست كتير اعتزيت بنفسي كوني كوردي و كبر الأمل عندي لنحقق حلمنا المشترك.
….
كُتِب بقلم شرايين قلب كل كوردي
Çiyayê Kurmênc
اكتب تعليق يعبر عن محبتك لكردستان و الكورد

بواسطة admin

الموسوعة الكردية الحرة

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.