انتقل إلى المحتوى
SERDANA CÎGERXWÎN
ـــــــــــــــــــــــــــــــــــــــــ
Li ser gora Cîgerxwîn
Dil kelî jê hilda xwîn
ـــــــــــــــــــــــــــــــــــــــــ
Min û Nazê, Konê Reş
Me pêşkêş kir gulên geş
ـــــــــــــــــــــــــــــــــــــــــ
Reşo hêsir barandin
Girî ket xirnaqa min
ـــــــــــــــــــــــــــــــــــــــــ
Kon jî em digerandin
Lê neda deyaqa min
ـــــــــــــــــــــــــــــــــــــــــ
Li cejn û li şahiyan
Em bûn mêvanê seyda
ـــــــــــــــــــــــــــــــــــــــــ
Li ser koma hestiyan
Çavan axî û mey da
ـــــــــــــــــــــــــــــــــــــــــ
Qamişlo jî dinalî
Li hember Nisêbînê
ـــــــــــــــــــــــــــــــــــــــــ
Jehra ku tirş û talî
Me vexwar vê havînê
ـــــــــــــــــــــــــــــــــــــــــ
Nazê dixwend Kîme ez
Rûpelên wî vekirin
ـــــــــــــــــــــــــــــــــــــــــ
Girî li me kir qerez
Hêviyan em şa kirin
ـــــــــــــــــــــــــــــــــــــــــ
Em çûbûn ser nexwaşan
Kek Rizo û Sasonî[5]
ـــــــــــــــــــــــــــــــــــــــــ
Deham jî wek rûxwaşan
Îçmo li xwe didûnî
ـــــــــــــــــــــــــــــــــــــــــ
Li mala Leyla delal
Cejn û paydoza me bû
ـــــــــــــــــــــــــــــــــــــــــ
Em bûn hogir û heval
Hamêd çêroka me bû
ـــــــــــــــــــــــــــــــــــــــــ
Dîwana wî deng veda
Li tevayî cîhanê
ـــــــــــــــــــــــــــــــــــــــــ
Dîrokê ew têveda
Bi derd û ah û janê
ـــــــــــــــــــــــــــــــــــــــــ
Kesek li şûn wî nema
Ji bilî gotina wî
ـــــــــــــــــــــــــــــــــــــــــ
(Ez im ji êla hîma)
Min kes nedî mîna wî.
ـــــــــــــــــــــــــــــــــــــــــ

DERD Û DERMAN
(Keser û hêvî)
Helbest
Hemkoçerê Cezawîr