EFRÎN

EFRÎN

ـــــــــــــــــــــــــــــــــــــــــ

Efrîn xweş e, pir şêrîn e

Deşt û çiyan tim rengîn e

Dar û gulan xemilî ne

Ferîbende geş û jîn e

ـــــــــــــــــــــــــــــــــــــــــ

Buhara wê kesk û şîn e

Havîn bi zebeş, qawîn e

Payîz daran disazîne

Vistan zêtê dibarîne

ـــــــــــــــــــــــــــــــــــــــــ

Surişt û cûm e, ciwan e

Bi av, sulavê jîn dane

Nefel, giyaye, xerman e

Nîsk û pembî û colban e

ـــــــــــــــــــــــــــــــــــــــــ

Mêrg û çawîr û çîman e

Keskayî û êmişxan e

Hejîr û tirî tê da ne

Ciyê geştî û seyran e

ـــــــــــــــــــــــــــــــــــــــــ

Çem û rûbar diherike

Ji zozanan tê Gemrûk e

Li ber bedê li Meydank e

Gol û deryê tijî dike

ـــــــــــــــــــــــــــــــــــــــــ

Ava zelal li Germik e

Dar û golan tim jîn dike

Dil, cîgeran ew geş dike

Gelê Efrîn pê kêf dike

ـــــــــــــــــــــــــــــــــــــــــ

Bax, baxce û gulistana

Bêhnê hilda ji nav wana

Bihna çîçek û reyhana

Ji Efrîn rabû ezmana

ـــــــــــــــــــــــــــــــــــــــــ

Li çol û deşt û bêlanan

Li şar û gund û zozanan

Çûk û bilbil û perwanan

Dilîlînin  li ser wanan

ـــــــــــــــــــــــــــــــــــــــــ

Efrîn bi çiyan delal e

Bûkek bi xeml e, xezal e

Nav bi dar û bi newal e

Bin bi zêr û bi xilxal e

ـــــــــــــــــــــــــــــــــــــــــ

Çiyayên xwe biçûk rind in

Hinek ji wan pir bilind in

Di nav wan de çal û bend in

Ser û dorê mal û gund in

ـــــــــــــــــــــــــــــــــــــــــ

Li Efrîn sêsed û şêst gund e

Horî, Seman warê Kurd e

Duderî nîşana Merd e

Ji dîroka gelê Kurd e

ـــــــــــــــــــــــــــــــــــــــــ

Li Meydana heftgund in e

Çayê Rejo giş hesin e

Li Bilbilê çîm hêgin e

Lêlûn û Hawar mezin e

ـــــــــــــــــــــــــــــــــــــــــ

Kurdax can û dilê min e

Xelkê tê de gelê min e

Ger hinek tê de Tat in e

Sam û Ereb ne ji me ne

ـــــــــــــــــــــــــــــــــــــــــ

Peyva Kurdax ji Kurdox hat

Efrîn buhuşta rojhilat

Dilê Kurd bi derd û şewat

Li Kurdistana bêkelat

ـــــــــــــــــــــــــــــــــــــــــ

Çêdikin civîn û civat

Hêviya wan jîn û welat

Herdem dikin bo jîn xebat

Bo serxwebûnê û felat

ـــــــــــــــــــــــــــــــــــــــــ

Betman xemkêş û xemgîn e

Reş rondikan dibarîne

Kitix nêrgiza Efrîn e

Ziravkê bûk e wek zîn e

ـــــــــــــــــــــــــــــــــــــــــ

Basût sîsin û nisrîn e

Serîkaniyê dilevîn e

Endarê bo me vejîn e

Lat û zinar gawahî ne

ـــــــــــــــــــــــــــــــــــــــــ

Şiyê gulzarek rengîn e

Cindirês li Cûma şîn e

Şera nazik û narîn e

Xwastiya tev de şêrîn e

ـــــــــــــــــــــــــــــــــــــــــ

Li nav çiyan hêwirî ne

Çiya yê Kurmênc gergîn e

Li rojhilata navîn e

Kêf û xweşiyê dijîne

ـــــــــــــــــــــــــــــــــــــــــ

Efrîn herêmek fereye

Tu çi divê tê de heye

Bi daristan û almeye

Cok û cobar û kaniye

ـــــــــــــــــــــــــــــــــــــــــ

Bi dar û ber û mêywe ye

Fêkî genim û cihe ye

Çandin û pal karê me ye

Cotkarî jî karê me ye

ـــــــــــــــــــــــــــــــــــــــــ

Efrîn navdeng û hêjaye

Li rojhilat pir buhaye

Li Kurdistanê deng daye

Ciyê piling û şêraye

ـــــــــــــــــــــــــــــــــــــــــ

Bûka Kurdan û Merdaye

Ji Madan re xwedê daye

Ev rewşa Efrîn a şa ye

Min hinek jê xeber daye

ـــــــــــــــــــــــــــــــــــــــــ

Libnan û Los Encilis

1997

10567527_937728292919441_2140518807_n

DERD Û DERMAN

(Keser û hêvî)

Helbest

Hemkoçerê Cezawîr

أضف تعليق